Qeqqata Kommunia A) Suleqatigiiffimmi sulinermi killiffik (suna iluatsippa, suna iluatsinngila?) B) Inuutissarsiortunik suleqateqarneq (suna iluatsippa,

Præsentationer af emnet: "Qeqqata Kommunia A) Suleqatigiiffimmi sulinermi killiffik (suna iluatsippa, suna iluatsinngila?) B) Inuutissarsiortunik suleqateqarneq (suna iluatsippa,"— Præsentationens transcript:

1 Qeqqata Kommunia A) Suleqatigiiffimmi sulinermi killiffik (suna iluatsippa, suna iluatsinngila?) B) Inuutissarsiortunik suleqateqarneq (suna iluatsippa, suna iluatsinngila?)

2 Majoriaq Maniitsoq Suleqatigiiffik
Meeqqat atuarfiat ilaqutariinnermullu immikkoortortaq suleqatigineqartarput atuartut Pilersitsivimmut, AEU-mut ilinniakkanullu allanut piukkunnarnersut misissuiffigineqaleraangata. Pilersitsivimmi inissat 1-2 immikkoortinneqartarput assersuutigiinnarlugu atuartut ilaannut atuarnermik qatsussisut ikiorsernissaannut. Atuartoq qaammatini 1-2 Pilersitsivimmiissinnaavoq. Atuartut suliassaminnik pilersaarusiornerani aamma suleqatigiittoqartarpoq. Ilaqutariinnermut immikkoortortamut suleqatigiissutigineqartarput tulluussakkanut immikkoortiterineq, piginnaanngorsaaneq inunnullu ataasiakkaanut suliassat. Aamma suleqatigiissutaasarput inuusuttut Pilersitsivimmut isertussat, AEU ilinniakkallu allat.

3 Majoriaq Maniitsoq Suleqatigiiffik
Suleqatigiiffik (suli) aaqqissuunneqanngilaq. Ilaasortat: 2 suliffissarsiuussisarfimmeersut, pisortaq tullersortilu, Ilaqutariinnermut immikkoortortamiit: 2 sulianik ingerlatsisut, ilaqutariinnermeersoq aamma pisartagalerisuneersoq, Ilaqutariinnik katsorsaavimmiit: Ataatsimiinnermi tullermi miljøarbejderi ilaassaaq. Qaammammut ataasiarluni ataatsimiittarnissat maannakkut aalajangersaavigineqarput. Suleqatigineqarputtaaq atuarfinni siunnersortit 2. Taakku pisariaqartitsineq naapertorlugu ataatsimeeqatigineqartarput.

4 Majoriaq Sisimiut Suleqatigiiffik
Qaammammut ataasiarluni ataatsimiittoqartarpoq. Oktoberimi aallartinnermiit maannamut pitsaasumik ataatsimiittarnerit ilusinikkiartuaarput. Ataatsimiinnerni oqaluuserisassanut imaqarnilianullu najoqqutassiat atorneqarput. Pingaarnertut suliaapput inuit ataasiakkaat tulluussanut agguataagassat, aammattaaq nunaqarfinnut angalasartussat suleqatigiissutigineqalerput. Illuatungeriit tamarmik Namminersorlutik Oqartussat isumasioqatigiissitsinerani peqataapput.

5 Majoriaq Sisimiut Suleqatigiiffik
Ilaasortat aalajangersimasut: Mentorprojektleder, suliffinnut siunnersorti nalilersoqqitassanik siusinaartumillu pensionisialinnik suliaqartoq aamma suliffinnut siunnersutit tigooraasuniit ataaseq, centerleder. Ilaqutariinnermut immikkoortortamiit: Immikkoortortami pisortaq sulisullu nalilersoqqitassanik siusinaartumillu pensionisialinnik suliaqartut. Ilaqutariinnut katsorsaavik, amerlasuutigut attuumassuteqaramik. Meeqqat atuarfii tamarmik ataaseq. Pisariaqartitsisoqartillugu peqataasartoq: KTI-mi ilinniartunut siunnersorti.

6 Inuutissarsiortunik suleqateqarneq
Majoriaq Maniitsoq Inuutissarsiortunik suleqateqarneq Suliffeqarfiit suleqatiginerini ilaatigut sammineqartarput piginnaanngorsaaneq, ilinniarfissat suliffissanillu innersuussisarneq. Suliffeqarfinnik suleqateqarneq ajorpallaanngitsumik ingerlavoq, pilersaarutaavorlu suliffeqarfiit ataatsikkoortinnagit kaffisoqatigalugit oqaloqatigisarnissaat, taamaaliornikkut suleqatigiinneq pitsanngorsarumallugu. Piginnaanngorsagassat ataasiakkaarlugit ataatsimeeqatigineqartassapput (ataatsimiinnernut ullorsiutit assersuutitut aamma saqqummiunneqarput). Pilersaarutaavoq sulianik ingerlatsisup suliffeqarfimmik qaammatikkaartumik ataatsimeeqateqartarnissaa, kiisalu qaammatit pingasukkaarlugit suliffeqarfik centerlederilu tullersortaaluunniit piginnaanngorsartup sulisinnaassusia nalilersorneqartassaaq. Suliffeqarfiittaaq suleqatigineqartarput nunanit allaneersut suliffeqalerniarlutik qinnuteqaraangata.

7 Inuutissarsiortunik suleqateqarneq
Majoriaq Sisimiut Inuutissarsiortunik suleqateqarneq Suliffeqarfinnik angisuunik ataavartumik ataatsimeeqateqartarneq, soorlu RG sulisussanik innersuussisarnermi ajornartorsiutit pillugit aammalu nioqqutissiornerup unitsinnerani sulisunik angerlartitsiinnartarneq pillugu. Sumiiffinni inuutissarsiortut siunnersuisooqatigiivinik suleqateqarluarneq (aamma GE-p sumiiffimmi peqatigiiffiatut atuuttoq). Suleqatigiinneq pingaartumik pitsaasumik ingerlavoq piginnaanngorsaanermi suliffiit eqqarsaatigalugit. Siusinaartumik pensionisiaqarnermut inatsisip atuutsilersinneranut atasumik inissat 45 nassaarineqarput. Suliffeqarfiit illoqarfimmiittut tamaasa 5. maj isumasioqatigiinnermut aggersarneqarput, ajoraluartumilli sisamaannaat (4) takkullutik.